महान् संतहरू मध्ये एक- कबीर दासको जीवनको एउटा कथा प्रसिद्ध छ। उनी एउटा कुम्भ मेलामा गए र त्यहाँ उनलाई सोधियो, "यो ठूलो भीडमा के तपाई एक जागृत प्राणी, वास्तविक गुरुलाई चिन्न सक्नुहुन्छ?"
कबीर दासले भने, "म प्रयास गर्नेछु।" उनले एउटा लठ्ठी उठाए र एउटा 'गुरु' लाई हिर्काए।
ती 'गुरु' रिसाए र भने , "मलाई हिर्काउने हिम्मत तलाइँ कसरी भयो? "
कबीर दासले भने, "उनी सच्चा गुरु होइनन्।"
उनले अर्को 'गुरु'लाई लठ्ठीले हाने । गुरुका चेलाहरू क्रोधित भए र कबीर दासलाई कुटपिट गरे। तिनीहरूका 'गुरु' ले आँखा खोले तर केही बोलेनन् ।
र कबीर दासले भने, "उनी पनि सही गुरु होइनन्।"
त्यस प्रसिद्ध कुम्भ मेलाको अवधिभर, कबीर दासले 'गुरुहरू' लाई लठ्ठीले हिर्काइरहे ।
अन्ततः, उनले एक जना भेट्टाए, जसले कबीर दासले प्रहार गरेपछि भने, "बस्, प्रिय युवक । तिम्रो हात दुखेको हुनुपर्छ। निस्सन्देह मैले पीडा महसुस गरेको छु तर तिमीले महसुस गरेको पीडाको पनि कल्पना गर्न सक्छु। मलाई तिम्रो हात मुसार्न देउ र तिमीले मलाई हिर्काउँदा महसुस गरेको पीडाबाट राहत दिन देउ।"
कबीर दासले भने, "उहाँ नै सच्चा गुरु हुनुहुन्छ!"
महान ब्यक्तिहरुका अनुसार साँचो गुरुलाई निम्न रंगहरुले प्रतिबिम्बित गर्दछ:-
1. नीलो रंग - गुरुमा आकाशको विशालता हुनुपर्छ। गुरुमा संकीर्ण सोच हुन सक्दैन।
2. रातो रंग - बहादुरी, प्रेम र धैर्य को प्रतिमुर्ति। साहस बिना साँचो प्रेम गर्न सकिन्न ।
3. हरियो - संसार कल्याणको दृढ संकल्प।
4. पहेंलो - मन, विचार र कर्मको शुद्धता ।
5. कालो - उदासहीनता (उदास/दुखी नहुने ) र अनासक्त ।
6. सेतो - गुरु शान्तिप्रिय हुनुपर्छ र अरूलाई शान्ती दिलाउने क्षमता हुनुपर्छ।
आजको हाम्रो समाजको समस्या नै सच्चा गुरुहरुको अभाव हो । जसरी 'बलेको दियो'ले मात्र अर्को दियो बाल्न सकिन्छ । निभेको दियोले बाल्न सकिन्न ।आफुमा 'जागृत' गुरुले मात्र समाजलाई सहि बाटो देखाउन सक्छ ।
मेरो जीवनमा उज्यालो छर्दिनुहुने सम्पुर्ण गुरुहरुमा नमन 🙏
No comments:
Post a Comment
Your comments will be highly appreciated.